I
Quand il-oûve ses-is l’premin coûp
èl pètit èfant, du fond de s’berce,
vwat n’bouche souriyant d’in-ér doûs.
Deûs-is lume-té d’boneûr, ène vwas l’bèrce .
èle èsst-eûreûse èt fiére,
èl viye est clére,
èle sourit pou sn-éfant,
el mouman.
II
Pus târd, quand i s’mèt è gazouyi,
on dirout souvint qu’i berdele ;
in fayè mau l’fét inmarvoyi,
et vlà que sans-arete, èle trambèle.
L’inquiètude su s’visâdje,
èle est toute bladje,
èle a peû pou sn-èfant,
èl mouman.
III
Quand véra s’toûr dè volwâr fé s’nid,
qu’il-âra done s’coûr à in-aute,
èle soufrira d’pièrde ès pètit.
Què volèz? c’est la viye, c’est la môde
au culot, al swaréye,
toute dèsbauchéye,
èle bréra pou sn-éfant,
il mouman.
BERCEUSE
IQuand il-oûve ses-is l’premin coûp èl pètit èfant, du fond de s’berce, vwat n’bouche souriyant d’in-ér doûs. Deûs-is lume-té d’boneûr, ène vwas l’bèrce . èle èsst-eûreûse èt fiére, èl viye est clére, èle sourit pou sn-éfant, el mouman. IIPus târd, quand i s’mèt è gazouyi, on dirout souvint qu’i berdele ; in fayè mau l’fét…