Eyé ké diss, Chateau?

Come vos l’savèz les couméres
Ont pus d’un moyi-n pou plére
A les djonnes pau c’qué fusse ferlukèts
In fésant arindjis leûs ch’feûs à toupèts
Ou bi-n pau frisoû, fét des frisètes
Pou moustrèr, qu’èles sont djoliyes mazètes
I n’da pus wére, qui fése tè des chignons
Erchènant fourt bi-n à dès ougnons
Pou qui fuchisse tè bi-n croles, pa les papiyotes
Pa des bigoudis, bi-n, ont les boulote
Ont d’in fèt des trèsses, ey des queues des k’vaus
Avu des èsplingues, ont s’afike come i faut
Eyè pou yesses fourt bi-n av’nantes
On n’ravise ni-n, c’èst pou les pèrmanantes
Eles chwasiste-tè, el couleûr qui convi-nt
In prétindant que çà, leûs va fin bi-n
Démorant souvint deûs eures d’zous l’casse
Pou roubliyi, qu’èles indure tè les agasses
Pindant g’tamps, l’ome pierd ses ch’feûs
A vire les rouchas, dev’nis gris bleûs
In sondjant qu’il èst yeu à l’soye
Pa l’brêche qui l’a, à s’porte monoye
Eyè l’futéye li dira, c’êst pour vous m’chéri
Dje n’ai ni-n, la trop mau interpris
Allez n’fetes ni-n co, d’vos n’tiesse à vo p’tite croléye
Eyè sans longarde, fete n’bone brasséye
Que volez, c’èst l’mode l’ainsi
I parèt què ça vi-nt de Paris


Dussaussois Evence François