A l’occasion de sa visite au Musée, François Dussaussois a eu la gentillesse de us offrir ce poème écrit par lui en wallon.
Bondjoû à tertous, mes braves djins
Si vos volez pindant in moumint
Die vas cachi des d’visé des voyâdges
Qu’on fèsou dins nos viles eyè vilâdjes
Les touts premi-ns astine tè saki pas des k’vaus
Qui faloût sougni bi-n come i faut
Pou fèt plusieurs voyes, d’sus leu djourneye
Bons picotins, del yau, de l’avène, pou el rafoureye
Més el pire kand i fésou nwar froud
Eyè qu’a pière finte tout s’indjèloû
Bi-n dje vos asseur, que ça n’astou ni-n ducace
Surtout à l’ivier, adon on fèrout les claus à glace
Si bi-n que par après, c’est les trams à vapeûr
Qui les ont rimplacés, mes crènom, qué tchaleûr
Surtout pa les poussiéres èyè les fumyères
Vudant del buse, d’èle waute tchaudiére
Mès l’pire, pou l’tchouf-tchouf kand i grimpiyou
Pou l’fèt roule el bidjak, d’sus l’indrout
El tchaufeû disoût, pou érprinde alène
Eyè què l’mécanike fesisse co brulène
Mès djins, i fauroû bi-n du schlam,
Pou fét avanci nô poussif tram
In pau pus tard cît desci-ns electrikes
Ça astou branmint pus égile èyè pratike
Pou l’Watman eye surtout pou les cliyants
Adon l’èrcèveû, avu s’trompète, in avant
Tout in pûjant dins èsse pétite carnassiére
Disout : ravisèz d’avoû el compte djusse pou Carniéres
Pou payi el voyadje avu el coupon
Pace-què avu mi, i n’ faut pon d’ lostron
Eye co sans pu laumint ratinde
Dje vo cole rad’mint in n’aminde
Waye mèt’nant étou i n’a pus d’ tram
El lon des voyètes èyè du pavé, macadam
Eyè c’èst l’ainsi qué pauquéfusse
On imprunte el bidule, loume Autobusse.
Evence François DUSSAUSSOIS
27 septembre 1992.
LES TRAMS
A l’occasion de sa visite au Musée, François Dussaussois a eu la gentillesse de us offrir ce poème écrit par lui en wallon. Bondjoû à tertous, mes braves djins Si vos volez pindant in moumint Die vas cachi des d’visé des voyâdges Qu’on fèsou dins nos viles eyè vilâdjes Les touts premi-ns astine tè saki…